星加坡 從星洲到大馬

之前講到由大馬坐火車落星洲。咁今集都要講返由星洲點上KL先得。

我無坐火車啦，一來時間唔啱，二來都係咪攞自己辛苦。咁我當然又係坐返巴士上去。

我當日坐早班車，故早一日去左 Golden Miles 買飛先。第二朝 730 開車呀。當日勁大雨 (我去親邊都落雨架)，經過被喻為一個可睇到三個國家(新加坡、大馬同印尼) 的摩天輪 Eye on Singapore，出年落成就可以去啦。

星馬同中港都好似，兩者相距不遠，均有陸路及鐵路連接。但星馬道路口岸只有兩個 (即 Woodlands 同埋Tunas)。自 Tunas 通車後，巴士都會經呢邊，因為人少車少。

出左新加坡海關就上返巴士過大馬果邊 (同香港落馬洲好似）

上齊人，就駒車過大馬 Johor。

橋的另一邊就係馬來西亞啦。

在橋上，回望新加坡 Tunas 的遊艇會

入左大馬國境，又要落車，乖乖地攞住護照過關啦。


之後又上車繼續旅程。

架車好舒服 (有 d 仲舒服，當然貴 d 啦），有個人電視，有電影睇或遊戲機打，仲可以好似飛機 business class 咁瞓底添，呢張相就係瞓底左影。

呢架巴士唔知會唔比 airbus 告呢？

車程大約5 - 6 個鐘，行到半路，會停底比你放水同食野。咁大馬 d highway設計一向好好，道路平坦、設施又好。但點都係有 d 老套囉，好似 60年代台灣 d 地方咁。

當日無食早餐就起程，休息吓食吓 nasi lemak 先。

餐廳門口有一大籮西瓜同沙田柚呀，好想食呀。

食完野、放完水又再起行。